ონლაინ მაღაზია

კატეგორია: არომატიზირებული შავი ჩაი

რა არის შავი ჩაი?
შავი ჩაი მზადდება “კამელია სინენსის”-ის ანუ ჩაის ბუჩქის ფოთლებისგან რომელთა დამუშავებაც ხდება განსაკუთრებული მეთოდით.

შავი ჩაი ყველაზე ცნობილი და პოპულარულია დანარჩენი ჩაის ტიპებთან შედარებით. ის აგრეთვე შეიცავს ყველაზე მეტ კოფეინს და გარკვეული რაოდენობის ანტიოქსიდანტებს (სხვა ჩაის ტიპებთან შედარებით ნაკლებს).

რას ნიშნავს ჩაის გადამუშავება?
ჩაის დამუშავება ხელოვნებაა. სწორედ ამ პროცესის დროს ყალიბდება მისი გემო, ბუკეტი და მახასიათებლები.

მარტივად რომ ვთქვათ გადამუშავებისას უნდა გადაწყდეს თუ რა სახის ფერმენტაციის პროცესი უნდა შესრულდეს ახლადმოკრეფილ ჩაის ფოთლებთან მიმართებაში მათ საბოლოო გამოშრობამდე. ჩაის ფოთლები ენზიმებს შეიცავენ. მათი დამსხვრევის, დაფქვის, ან დაჭყლეტვის დროს ხდება ენზიმების ჰაერთან შეხება რაც ხელს უწყობს დაჟანგვის ანუ ფერმენტაციის პროცესს. ფერმენტაციის დონე განისაზღვრება ენზიმების ჰაერთან შეხების ხანგრძლივობის მიხედვით.

შავი ჩაის გადამუშავება
შავი ჩაის დამზადება გულისხმობს დაჟანგვის ანუ ფერმენტაციის სრულ პროცესს.

მოკრეფის შემდეგ ჩაის ფოთლებს 8-24 საათი აჩერებენ ჰაერზე, რა დროსაც ხდება წყლის უმეტესი ნაწილის აორთქლება. შემდეგ ხდება ფოთლების დახვევა იმ მიზნით რომ მოხდეს ენზიმების კონტაქტი ჰაერთან და დაიწყოს ფერმენტაციის პროცესი. შემდეგ ფოთლებს ტოვებენ სრულ ფერმენტაციამდე, ანუ იმ დრომდე სანამ არ მიიღებენ მუქ შავ შეფერილობას. მხოლოდ ამის შემდეგ სრულდება მათი ღუმელში გამოშრობის საბოლოო პროცესი.

ამ კატეგორიაში გთავაზობთ შავ ჩაის სხვადასხვა ხილით, ყვავილით და ბუნებრივი არომატიზატორით.

  • რეგისტრაცია
Lost your password? Please enter your username or email address. You will receive a link to create a new password via email.